ក្រចេះៈ នៅវេលាម៉ោង២០ និង៤០នាទីយប់ ថ្ងៃទី២៩ ខែកញ្ញា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថស្រុកស្នួល បានធ្វើការឃាត់រថយន្តដឹកឈើល្មើសច្បាប់ចំនួន០១គ្រឿង ស្ថិតនៅចំណុចភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ ។
បើតាមប្រភពពត៌មានពីលោកឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ បានថ្លែងប្រាប់ភ្នាក់ងារ GRK News បានឱ្យដឹងថា ក្នុងប្រតិបត្តិការបង្ក្រាបបទល្មើសនោះផងដែរ កម្លាំងបានធ្វើការឃាត់ខ្លួនបានជនសង្ស័យចំនួនម្នាក់ រួមទាំងវត្ថុតាង មួយចំនួនរួមមានៈ
០១. រថយន្តប្រភេទស៊ាំយ៉ុង ចំនួន០១គ្រឿង
០២. ឈើប្រភេទសុក្រំលេខ១ ពេញមួយរថយន្ត (មិនទាន់វាស់វែង)។
វត្ថុតាង ត្រូវបានកម្លាំងកងរាជអាវុធហត្ថខេត្តក្រចេះ កំពុងរៀបចំឯកសារ ប្រគល់ជូនខណ្ឌរដ្ឋបាលព្រៃឈើ ដើម្បីចាត់ការបន្តតាមនីតិវិធី។
