អហ កណ្តាល៖ វេលាម៉ោង១៦និង៤៥នាទី ថ្ងៃទី១ ខែកញ្ញា ឆ្នាំ២០១៥ នៅចំណុចភូមិព្រែកហូរលិច សង្កាត់ព្រែកហូរ ក្រុងតាខ្មៅ កម្លាំងអាវុធហត្ថក្រុងតាខ្មៅបានបង្ក្រាបការរក្សាទុកនូវសារធាតុញៀនខុសច្បាប់និងបានឃាត់ខ្លួនជនង្ស័យចំនួន០២នាក់។ 1/ឈ្មោះ សុខ ស៊ិនិត ភេទប្រុស មុខរបរធ្វើសំណង់ មានទីលំនៅខាងលើ។ 2/ឈ្មោះ អាត សម្ភ័ស ភេទប្រុស មានទីលំនៅ ភូមិព្រែកហូរកើត សង្កាត់ព្រែកហូរ ក្រុងតាខ្មៅ។ បន្ទាប់មកកម្លាំងជំនាញបានសុំការអនុញ្ញាតពីអយ្យការអមសាលាដំបូងខេត្តបន្តឆែកឆេរផ្ទះឈ្មោះ សើន ស៊ីណាត ភេទប្រុស អាយុ៤៩ឆ្នាំ នៅភូមិព្រែកហូរលិច សង្កាត់ព្រែកហូរ ត្រូវជាឪពុករបស់ជនសង្ស័យឈ្មោះ សុខ ស៊ិនិត។ ចាប់យកវត្ថុតាងរួមមាន៖ ម៉្សៅក្រាមពណ៌សថ្លា ប្រភេទសារធាតុញៀន ០៦កញ្ចប់,ដាវសាម៉ារៃ ០១ និងសម្ភារៈវិចខ្ចប់មួយចំនួន។