បាត់ដំបង៖ នៅវេលា ម៉ោង១៥:២០នាទី ថ្ងៃទី២៥ ខែមករា ឆ្នាំ២០២២ អនុវត្តន៍តាមបទបញ្ជាលោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្ដបាត់ដំបង កម្លាំងមន្ទីរស្រាវជ្រាវ និងបង្រ្កាបបទល្មើស ចុះដល់ចំណុចស្ថានីយ៍រថភ្លើង ស្ថិតក្នុងភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង បានធ្វើការឃាត់ខ្លួនជនសង្ស័យ ០១នាក់ ឈ្មោះ ប្រុញ តុលា ភេទប្រុស អាយុ២០ ឆ្នាំ មុខរបរគ្មាន ទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង និងបានចាប់យកវត្ថុតាងគ្រឿងញៀនប្រភេទកេតាម៉ីនចំនួន ០១កញ្ចប់ ទម្ងន់ ៣,៨២ ក្រាម, ទូរស័ព្ទដៃ ០១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកសាងសំណុំរឿងតាមនីតិវិធីបន្ដ។
