សៀមរាបៈ នៅវេលាម៉ោង២២ និង៣០នាទីយប់ ថ្ងៃទី០២ ខែតុលា ឆ្នាំ២០១៦ កម្លាំងកងរាជអាវុធហត្ថខេត្តសៀមរាប សហការជាមួយ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យចំនួន០៩នាក់ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន ស្ថិតនៅចំណុច ភូមិខ្វៀន សង្កាត់គោកចក ក្រុងសៀមរាប ខេត្តសៀមរាប។

បើតាមប្រភពពត៌មានពីលោក វរសេនីយ៍ទោ ថា ដាលុច មន្ត្រីកងរាជអាវុធហត្ថខេត្តសៀមរាប បានប្រាប់ភ្នាក់ងារ GRK News ឱ្យដឹងថា
ការឃាត់ខ្លួននេះគឺធ្វើទៅបានដោយមានការ សហការផ្តល់ដំណឹងដ៏ល្អពីប្រជាពលរដ្ឋ ថាមានយុវជនចំនួនមួយក្រុម កំពុងចរាចរណ៍ និងសេពគ្រឿងញៀន នៅចំណុចកន្លែងកើតហេតុខាងលើ។ បន្ទាប់ពីបានទទួលដំណឹងភ្លាម កម្លាំងកងរាជអាវុធហត្ថ ក៏បានចុះទៅកន្លែងកើតហេតុភ្លាមៗ ព្រមទាំងបានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន១១កញ្ចប់ ដែលមានទម្ងន់ស្មើ ៩.៣៧ក្រាម
០២. ទូរសព្ទ័ដៃ ចំនួន១៣គ្រឿង។

ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថខេត្តសៀមរាប បានកសាងសំណុំរឿង ដើម្បីចាត់ការបន្តតាមនីតិវិធី។