កំពតៈ នៅវេលាម៉ោង២០ និង៣០នាទី ថ្ងៃទី០៣ ខែតុលា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកកំពង់ត្រាច បានធ្វើការឃាត់ខ្លួនជនសង្ស័យម្នាក់ ជាប់ពាក់ព័ន្ធជាមួយករណីប្រទូសកេរ្តិ៍ខ្មាស់ ស្ថិតនៅចំណុចភូមិថ្កូវ ឃុំ ឫស្សីស្រុកខាងលិច ស្រុកកំពង់ត្រាច ខេត្តកំពត ។
បើតាមប្រភពពត៌មានពី ភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះ ម៉ម នឿន ភេទប្រុស អាយុ៣៧ឆ្នាំ មុខរបរ កសិករ រស់នៅភូមិច្រកកេះ ឃុំដងទង់ ស្រុកដងទង់ ខេត្តកំពត។
ភ្នាក់ងារដដែល បានបញ្ជាក់បន្តឱ្យដឹងថាទៀតថា នៅមុខកម្លាំងកងរាជអាវុធហត្ថ ជនសង្ស័យបានឆ្លើយសារភាពថា មុនពេលកើតុហេតុ រូបគេបានដើរទៅបន្ទប់សម្រាករួមរបស់បុគ្គលិក កាស៊ីណូ សាន់ដេ ក្នុងភូមិថ្កូវ ឃុំ ឫស្សីស្រុកខាងលិច ស្រុកកំពង់ត្រាច ខេត្តកំពត ដោយឃើញ ក្មេងស្រីជាជនរងគ្រោះឈ្មោះ ក ក ក ភេទស្រី អាយុ០៦ឆ្នាំ កំពុងតែដេកលង់លក់ ស្រាប់តែរូបគេបានដើរទៅជិត និងបានយកដៃរបស់គេទៅស្ទាបអង្អែលលើប្រដាប់ភេទក្មេងស្រីរងគ្រោះ រហូតដល់ ក្មេងស្រីជាជនរងគ្រោះភ្នាក់ឡើង ក៏បានស្រែកអោយគេជួយ។
ជនសង្ស័យ ត្រូវបានកម្លាំងកងរាជអាវុធហត្ថស្រុកកំពង់ត្រាច បានកសាងសំណុំរឿង បញ្ចូនទៅបញ្ជាការដ្ឋានខេត្តកំពត ដើម្បីចាត់ការបន្តតាមនីតិវិធី។
