តាកែវ៖ បានការអនុញ្ញាត និងចង្អុលបង្ហាញលោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ នៅវេលាម៉ោង ១៥ និង ៥០នាទី ថ្ងៃទី១៩ ខែកុម្ភៈ ឆ្នាំ២០២២ ការិយាល័យជំនាញប្រឆាំងគ្រឿងញៀន ដឹកនាំដោយលោក អនុសេនីយ៍ទោ ហួត វឿន នាយការិយាល័យ និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្ក្រាបករណីជួញដូរ និងប្រើប្រាស់នូវសារធាតុញៀនដោយខុសច្បាប់  នៅត្រង់ចំណុចមុខផ្ទះ ស្ថិតនៅភូមិឬស្សីមួយគុម្ព ឃុំអូរសារាយ ស្រុកត្រាំកក់ ខេត្តតាកែវ ដោយបានឃាត់ខ្លួនជនសង្ស័យចំនួន ០១នាក់ ឈ្មោះ អ៊ូច ឌឿន ភេទប្រុស អាយុ ៤៧ឆ្នាំ ជនជាតិខ្មែរមុខរបរមិនពិតប្រាកដ និងចាប់យកវត្ថុតាងម្សៅក្រាមពណ៌សថ្លាសង្ស័យគ្រឿងញៀនចំនួន០១កញ្ចប់, ទូរសព្ទ័០១ គ្រឿង។

បច្ចុប្បន្នជនសង្ស័យ ត្រូវបានកសាងសំណុំរឿងបញ្ជូនទៅអយ្យការអមសាលាដំបូងខេត្តតាកែវ ចាត់ការតាមនីតិវិធី ។