ព្រៃវែងៈ ជនសង្ស័យម្នាក់ ត្រូវបានកម្លាំងមូលដ្ឋានកងរាជអាវុធហត្ថស្រុកពាមរក៌ ឃាត់ខ្លួន នៅវេលាម៉ោង១៧ និង៥០នាទី ស្ថិតនៅចំណុចវត្តឧត្តមមានជ័យ ភូមិពាមកោះ ឃុំពាមរក៌ ស្រុកពាមរក៌ ខេត្តព្រៃវែង សង្ស័យជាប់ពាក់ព័ន្ធជាមួយសារធាតុញៀន។
បើតាមប្រភពពត៌មានពី មន្ត្រីកងរាជអាវុធហត្ថខេត្តព្រៃវែង បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះមានឈ្មោះ ឈួន ឈី ភេទប្រុស អាយុ៣២ឆ្នាំ មុខរបរកម្មករ(រស់នៅភូមិពាមកោះ ឃុំពាមរក៌ ស្រុកពាមរក៌។
មន្ត្រីដដែល បានបញ្ជាក់បន្តឱ្យដឹងថាទៀតថា ក្នុងប្រតិបត្តិការឃាត់ខ្លួននោះដែរ កម្លាំងកងរាជអាវុធហត្ថ បានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន០១កញ្ចប់
០២. ទូរស័ព្ទ ចំនួន០១គ្រឿង
០៣. កង់ ចំនួន០១គ្រឿង។
ជនសង្ស័យ និងវត្ថុតាង ត្រូវបានកម្លាំងមូលដ្ឋានកងរាជអាវុធហត្ថស្រុកពាមរក៌ បានកសាងសំណុំរឿង បញ្ចូនទៅបញ្ជាការដ្ឋានកងរាជអាវុធហត្ថខេត្តព្រៃវែង ដើម្បីចាត់ការបន្តតាមនីតិវិធី។
