កំពង់ចាម៖ នៅថ្ងៃទី២៧ ខែកុម្ភៈ ឆ្នាំ២០២២ កម្លាំងជំនាញកងរាជអាវុធហត្ថខេត្តកំពង់ចាម ដឹកនាំដោយ លោក វរសេនីយ៍ទោ សែម ឃាង ប្រធានមន្ទីរស្រាវជ្រាវ និងបង្ក្រាបបទល្មើស ដោយមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្តកំពង់ចាម កម្លាំងបានចុះបង្ក្រាបករណីជួញដូរគ្រឿងញៀន សិ្ថតនៅចំណុចភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ដោយបានឃាត់ខ្លួនជនសង្ស័យបានចំនួន០១ នាក់ ឈ្មោះ ហ៊ី ហ៊ន់ ភេទប្រុស អាយុ៤២ឆ្នាំ មុខរបរកម្មករ រស់នៅភូមិអំពិលើ ឃុំអំពិល ស្រុកកំពង់សៀម ខេត្តកំពង់ចាម នឹងចាប់យកសម្ភារៈមានម្សៅក្រាមពណ៌សចំនួន ០៣ កញ្ចប់ ទូរស័ព្ទដៃចំនួន០១គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញអាវុធហត្ថខេត្តកំពង់ចាម កសាងសំណុំរឿងដើម្បីចាត់ការតាមនីតិវិធី។