កំពង់ចាម៖ នៅរសៀលថ្ងៃអាទិត្យ ទី០៦ ខែមីនា ឆ្នាំ២០២២ លោក វរសេនីយ៍ទោ សែម ហាក់ នាយសេនាធិការស្ដីទី តំណាងលោក ឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានអញ្ជើញដឹកនាំនាយ នាយរងនៃកងរាជអាវុធហត្ថក្រោមឱវាទ ចូលរួមពិធីបុណ្យសព ម្តាយក្មេករបស់លោក អនុសេនីយ៍ទោ ឆឹង វុទ្ធី  ប្រធានអង្គភាពជំនាញ កងរាជអាវុធហត្ថខេត្តកំពង់ចាម ដែលបានទទួលមរណភាព នៅថ្ងៃទី០៤ ខែមីនា ឆ្នាំ២០២២ ដោយរោគាពាធ។ ក្នុងឱកាសនោះដែរ លោកនាយសេនាធិការស្ដីទី បាននាំយកថវិកានាយ នាយរងកងរាជអាវុធហត្ថខេត្តកំពង់ចាម សរុបចំនួន ៣,០៤០,០០០រៀល ចូលបុណ្យដល់ក្រុមគ្រួសារសព ស្ថិតនៅភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាម។