តាកែវៈ ជនសង្ស័យចំនួន០៤នាក់ ត្រូវបាន កម្លាំងមូលដ្ឋាន កងរាជអាវុធហត្ថក្រុងដូនកែវ ធ្វើការឃាត់ខ្លួន សង្ស័យជាប់ពាក់ព័ន្ធជាមួយសារធាតុញៀន។ បើតាមប្រភពពត៌មានបានអោយដឹងថា ការឃាត់ខ្លួននេះធ្វើឡើងនៅវេលាម៉ោង ១៩ និង៣០នាទី ថ្ងៃទី០៥ ខែតុលា ឆ្នាំ២០១៦ ស្ថិតនៅចំណុចផ្ទះសំណាក់ភារម្យ ស្ថិតនៅភូមិអូរស្វាយចេក សង្កាត់រការក្នុង ក្រុងដូនកែវ ខេត្តតាកែវ ។

បើតាមប្រភពពត៌មានពី លោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានថ្លែងប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះ ៈ
០១. ម៉ៅ ភារម្យ ភេទប្រុស អាយុ១៥ឆ្នាំ បួសនៅវត្តស្ទឹងមានជ័យ ភ្នំពេញ មានទីលំនៅភូមិសំរោងទងឃុំសំរោងទង ស្រុកសំរោងទង ខេត្តកំពង់ស្ពឺ
០២. រស់ វិឆុង ភេទប្រុស អាយុ១៤ឆ្នាំ បួសវត្តស្ទឹងមានជ័យ ភ្នំពេញ មានទីលំនៅភូមិប្របប្រហឹម ឃុំឈ្នួល ស្រុកបវិល ខេត្តបាត់ដំបង
០៣. ជិន អួយ ភេទប្រុស អាយុ២១ឆ្នាំ មុខរបរធ្វើស្រែ មានទីលំនៅភ្ូមិកំពង់ចំណង ឃុំកំពង់ចំណង ស្រុកពារាំង ខេត្តព្រៃវែង
០៤. ទូច សុខគា ភេទប្រុស អាយុ១៥ឆ្នាំ មុខរបរធ្វើស្រែ មានទីលំនៅភូមិតាលាក់ខាងជើង ឃុំគូស ស្រុកត្រាំកក់ ខេត្តតាកែវ។

លោកឧត្តមសេនីយ៍ត្រី បានបញ្ជាក់បន្តឱ្យដឹងថាទៀតថា ក្នុងចំណោមជនសង្ស័យទាំង០៤នាក់ មាន០២នាក់គឺជាព្រះសង្ឃកំពុងបួសនៅវត្តស្ទឹងមានជ័យ ទីក្រុងភ្នំពេញ។ ក្នុងប្រតិបត្តិការនោះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ទូរស័ព្ទចំនួន០២គ្រឿង
០២. ម៉ូតូចំនួន០២គ្រឿង
០៣. កាបូបចំនួន០២
០៥. ដែកកេះ ចំនួន០៥ និងសម្ភារៈសេពគ្រឿងញៀនមួយចំនួន។
ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថតាកែវ បានកសាងសំណុំរឿង ដើម្បីចាត់ការបន្តតាមនីតិវិធី។