បាត់ដំបង៖ នៅវេលាម៉ោង ១៦ និង ០០នាទី ថ្ងៃទី២៤ ខែមីនា ឆ្នាំ២០២២ ភូមិវត្តគរ សង្កាត់វត្តគរ ក្រុងបាត់ដំបង កម្លាំងអាវុធហត្ថខេត្តបាត់ដំបង បានឃាត់ខ្លួនជនសង្ស័យ ០១នាក់ ឈ្មោះ អ៊ឹង វុទ្ធី (ហៅធីចេកចៀន) ភេទប្រុស អាយុ ៣៩ឆ្នាំ មុខរបរគ្មាន ទីលំនៅភូមិផ្កាស្លា សង្កាត់ចំការសំរោង ក្រុងបាត់ដំបង។
កម្លាំងបានចាប់យកដកហូតវត្ថុតាងគ្រឿងញៀនប្រភេទមេតំហ្វេតាម៉ីន ICE ( ម៉ាទឹកកក) ០១ កញ្ចប់, ម៉ូតូ ០១គ្រឿង, ទូរស័ព្ទដៃ ០២គ្រឿង។ និងនៅម៉ោង ២១:៥៥ នាទី ថ្ងៃទី២៤ ខែមីនា ឆ្នាំ២០២២ នៅភូមិព្រែកព្រះស្តេច សង្កាត់ ព្រែកព្រះស្តេច ក្រុងបាត់ដំបង ខេត្តបាត់ដំបង កម្លាំងអាវុធហត្ថបានឃាត់ខ្លួនជនសង្ស័យ ០២ នាក់, ឈ្មោះ សំ ចន្ថា (ហៅធា) ភេទប្រុស អាយុ ២៩ឆ្នាំ មុខរបរគ្មាន ទីលំនៅភូមិបេង ឃុំអន្លង់វិល ស្រុកសង្កែ ខេត្តបាត់ដំបង និងឈ្មោះ ហុង គីមហ៊ន់ ភេទប្រុស អាយុ ២៦ឆ្នាំ មុខរបរគ្មាន ទីលំនៅភូមិ ១០មករា ឃុំបុស្សខ្នុរ ស្រុកចំការលើ ខេត្តកំពង់ចាម និងបានចាប់យកវត្ថុតាងគ្រឿងញៀនប្រភេទមេតំហ្វេតាម៉ីន ICE ( ម៉ាទឹកកក ) ០២ កញ្ចប់, ម៉ូតូ ០១ គ្រឿង, ទូរស័ព្ទដៃ ០៣ គ្រឿង។
បច្ចុប្បន្នជនសង្ស័យ និងវត្ថុតាងកំពុងឃាត់ខ្លួននិងរក្សាទុកនៅការិយាល័យជំនាញ ដើម្បីកសាងសំណុំរឿងបញ្ចូនទៅតុលាការ។
