រតនគិរីៈ នៅវេលាម៉ោង១៧ និង៣០នាទី ល្ងាចថ្ងៃទី០៧ ខែតុលា ឆ្នាំ២០១៦ ដោយបានទទួលដំណឹងពីប្រជាពលរដ្ឋ ថាមានគំនរឈើជាច្រើន ស្ថិតនៅចំណុចភូមិសឺន ឃុំសឺន ស្រុកបកែវ ខេត្តរត្តនះគីរី កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថស្រុកបកែវ បានចុះទៅដល់កន្លែងកើតហេតុដែលប្រជាពលរដ្ឋផ្តល់ដំណឹងភ្លាមៗ ។

បើតាមប្រភពពត៌មានពី ភ្នាក់ងារ GRK News បានឱ្យដឹងថា ឈើប្រណិតដែលប្រជាពលរដ្ឋប្រទះឃើញនោះ មានទំហំប្រហាក់ប្រហែល ជាង ១០ មែ៉តគូប។

បច្ចុប្បន្ន វត្ថុតាង ត្រូវមន្ត្រីជំនាញកងរាជអាវុធហត្ថខេត្តរតនគិរី កំពុងចាត់ការបន្តតាមនិតិវិធី។