បាត់ដំបង៖ រសៀលថ្ងៃទី០១ ខែមេសា ឆ្នាំ២០២២ ត្រង់ចំណុចសាលាវិទ្យាល័យតាម៉ឺន ភូមិកសិកម្ម ឃុំតាពូង ស្រុកថ្មគោល ខេត្តបាត់ដំបង មានករណីលួច កើតឡើងបង្កដោយជនសង្ស័យឈ្មោះ ម៉ាប់ សំណាងភេទប្រុស អាយុ២០ឆ្នាំ មុខរបរកម្មករសំណង់ រស់នៅភូមិប្រឡោះ ឃុំអូរម្លូ ស្រុកស្ទឹងត្រង់ ខេត្តកំពង់ចាម បានធ្វើសកម្មភាពចូលលួចម៉ូតូជនរងគ្រោះឈ្មោះ សឿម ស៊ាវម៉ី ភេទស្រី អាយុ១៤ ឆ្នាំ មុខរបរសិស្ស រស់នៅភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង ខណៈជនរងគ្រោះទុកម៉ូតូក្នុងរបងសាលាហើយចូលរៀនក្នុងសាលាខាងលើ។

ក្នុងពេលជនសង្ស័យកំពុងធ្វើសកម្មភាពលួចអូសម៉ូតូជនរងគ្រោះបានប្រហែល៣០ ម៉ែត្របម្រុងឆ្កឹះបំបែកសោរក ត្រូវសិស្សសាលាបានឃើញស្រែកឆោឡោ រំពេចនោះ កម្លាំងអាវុធហត្ថខេត្តបាត់ដំបង បានឃាត់ខ្លួនជនសង្ស័យបានតែម្ដង។

សម្ភារៈវត្ថុតាងដកហូតមានម៉ូតូ ០១គ្រឿង, ទុលល្វីសចំនួន០១, ទូរស័ព្ទចំនួន ០២ គ្រឿង, កាបូបលុយពណ៌ក្រហមចំនួន ០១, ប្រាក់រៀលចំនួន ៧,៥០០រៀល, នាឡិកាដៃពណ៌មាសចំនួន ០១ គ្រឿង។

បច្ចុប្បន្នជនសង្ស័យត្រូវបានមន្ត្រីជំនាញកសាងសំណុំរឿងតាមនីតិវិធី។