បាត់ដំបងៈ ជនសង្ស័យចំនួន០២នាក់ ត្រូវបាន កម្លាំងមូលដ្ឋាន កងរាជអាវុធហត្ថស្រុកថ្មគោល ធ្វើការឃាត់ខ្លួន សង្ស័យ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។ បើតាមប្រភពពត៌មានពីមន្ត្រីមូលដ្ឋានកងរាជអាវុធហត្ថស្រុកថ្មគោល បានឱ្យដឹងថា ការឃាត់ខ្លួននេះធ្វើឡើងនៅវេលាម៉ោង ១០ និង៣០នាទី ថ្ងៃទី០៨ ខែតុលា ឆ្នាំ២០១៦ ស្ថិតនៅចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
មន្ត្រីកងរាជអាវុធហត្ថ ដដែលបានបន្ត ឱ្យដឹងទៀតថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះ ៈ
០១. ហៀក គុណ ភេទប្រុស អាយុ៥៣ឆ្នាំ មុខរបរមិនពិតប្រាកដ ទីលំនៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង
០២. ផៃ មុំ ភេទស្រី អាយុ៦០ឆ្នាំ មុខរបរមិនពិតប្រាកដ ទីលំនៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
មន្ត្រីដដែល បានបញ្ជាក់បន្តឱ្យដឹងថាទៀតថា ក្នុងប្រតិបត្តិការនោះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន០៤កញ្ចប់ ដែលមានទម្ងន់ ១.១២ក្រាម
០២. ទូរស័ព្ទចំនួន០១គ្រឿង
០៣. ដាវ ចំនួន០១ដើម
០៤. លុយខ្មែរចំនួន ៤៣៣.០០០រៀល និងសម្ភារ:សម្រាប់ប្រើប្រាស់មួយចំនួនទៀត។
ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថស្រុកថ្មគោល បានកសាងសំណុំរឿង បញ្ចូនទៅបញ្ជាការដ្ឋាន កងរាជអាវុធហត្ថខេត្តបាត់ដំបង ដើម្បីចាត់ការបន្តតាមនីតិវិធី។
