មណ្ឌលគិរី៖ នៅថ្ងៃទី២៤ ខែមេសា ឆ្នាំ២០២២ នៅបញ្ជាការដ្ឋាន ខេត្តមណ្ឌលគិរី បានរៀបចំពិធីសូត្រមន្តលើករាសីឆ្នាំថ្មី និងពិធីសំណេះសំណាលជាមួយនិវត្តន៍ជន ក្រោមអធិបតិភាពលោក ឧត្តមសេនីយ៍ត្រី ហែម បូណារ៉ែល មេបញ្ជាការ កងរាជអាវុធហត្ថខេត្តមណ្ឌលគិរី ដោយមានវត្តមានចូលរួមពីលោកមេបញ្ជាការរង នាយសេនាធិការរង ប្រធានមន្ទីរ ការិយាល័យ មេបញ្ជាការមូលដ្ឋានកងរាជអាវុធហត្ថក្រុង/ស្រុក ស្នាក់ការសន្តិសុខ នាយ នាយរងនិងក្រុមគ្រួសារកងរាជអាវុធហត្ថ អំណោយជូនដល់និវត្តន៍ជនរួមមានថវិកាក្នុងម្នាក់ ២០ម៉ឺនរៀល និងសម្ភារៈមួយចំនួនទៀត ក្នុងនោះក៏មានអាហារសាមគ្គីនៅពេលល្ងាចផងដែរ។