កោះកុង៖ វេលាម៉ោង ៤:៣០នាទី ថ្ងៃទី០៣ ខែឧសភា ឆ្នាំ២០២២ កម្លាំង កងរាជអាវុធហត្ថខេត្តកោះកុង ដឹកនាំដោយលោក វរសេនីយ៍ទោ នួន វុត្ថា មេបញ្ចាការរង ទទួលការងារស្រាវជ្រាវ និងបង្ក្រាបបទល្មើសព្រហ្មទណ្ឌ និងមានការចង្អុលបង្ហាញពី លោក ឧត្តមសេនីយ៍ត្រី ថុង ណារុង មេបញ្ចាការ កងរាជអាវុធហត្ថខេត្តកោះកុង ដោយមានការសម្របសម្រួលពីព្រះរាជអាជ្ញាអមសាលាតំបូងខេត្តកោះកុង កម្លាំងបានចុះបង្រ្កាបទីតាំងចែកចាយ និងប្រើប្រាស់នូវសារធាតុញៀននៅចំនុចភូមិ៣ សង្កាត់ស្មាច់មានជ័យ ក្រុងខេមរភូមិន្ទខេត្តកោះកុង ឃាត់ខ្លួនជនសង្ស័យចំនួន០៣នាក់ និងចាប់យកវត្ថុតាងរួមមាន ម្សៅក្រាមពណ៌សរចំនួន១៥កញ្ចប់, ជញ្ជីងថ្លឹងគ្រឿង ញៀនចំនួន ០២គ្រឿង, ទូរស័ព្ទដៃ០៣គ្រឿង, ម៉ូតូចំនួន០២គ្រឿង និងទូកមាន់ចែមានគ្រឿងម៉ាស៊ីន ០១គ្រឿង បច្ចុប្បន្នកម្លាំងជំនាញកំពុងអនុវត្តតាមនីតិវិធី៕