ភ្នំពេញ៖ ព្រឹកថ្ងៃពុធ ទី១១ ខែឧសភា ឆ្នាំ២០២២ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា បានអញ្ជើញគោរពវិញ្ញាណក្ខន្ធសព លោកឧកញ៉ា រិទ្ធី សំណាង សមាជិកគណៈកម្មាធិការប្រតិបត្តិនៃសហព័ន្ធកីឡាបាល់ទាត់កម្ពុជា និងជាប្រធានក្លិបបាល់ទាត់ភ្នំពេញក្រោន ដែលបានទទួលមរណៈភាព នៅវេលាម៉ោង ៨:១០នាទីព្រឹកថ្ងៃពុធ ទី១១ ខែឧសភា ឆ្នាំ២០២២ ស្ថិតនៅឯគេហដ្ឋាននៃសពផ្ទះលេខ១១ ផ្លូវ២៤២ សង្កាត់ចតុមុខ ខណ្ឌដូនពេញ រាជធានីភ្នំពេញ។
