កំពង់ឆ្នាំង៖ ដោយមានការអនុញ្ញាតពី លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស លោក ឧត្តមសេនីយ៍ឯក ភួង ស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស នាព្រឹកថ្ងៃអង្គារ ទី១៧ ខែឧសភា ឆ្នាំ២០២២ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាលជំនាញបើកបររថយន្ត និងវគ្គបណ្តុះបណ្តាលជំនាញបើកបរទោចក្រយានយន្តជំនាន់ទី៣ វគ្គនេះមានសិក្ខាកាមសរុបចំនួន១៨៧នាក់ ការសិក្សាមានរយៈពេល ៧៩ថ្ងៃ។

ពិធីនេះមានការចូលរួមពី លោក វរសេនីយ៍ត្រីទីប្រឹក្សាបារាំង អមបញ្ជាការដ្ឋាកងរាជអាវុធហត្ថលើផ្ទៃប្រទេស លោក ឧត្តមសេនីយ៍មកពីក្រសួងការពារជាតិ អគ្គបញ្ជាការដ្ឋាន ឯកឧត្តម តំណាងរដ្ឋមន្រ្តីក្រសួងសាធារណៈការ និងដឹកជញ្ជូន ស្នងការ ស្នងការរង នាយ នាយរងការិយាល័យ នាយក នាយករង មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ និងសិក្ខាកាមជាច្រើនរូបផងដែរ។