តាកែវ៖ នៅវេលាម៉ោង ១៦ និង៣០នាទី ថ្ងៃទី១៧ ខែឧសភា ឆ្នាំ២០២២ កម្លាំងមូលដ្ឋានអាវុធហត្ថស្រុកគីរីវង់ ដឹកនាំលោក អនុសេនីយ៍ឯក យិន កុសល់ មេបញ្ជាការរង

ដោយបានការអនុញ្ញាត ពីលោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថតាកែវ ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត កម្លាំងបានធ្វើបានបង្ក្រាបករណីជួញដូរ ប្រើប្រាស់គ្រឿងញៀន នៅចំណុចរោងស័ង្កសីក្នុងចំការស្ថិតភូមិគោកព្រិច ឃុំគោព្រិច ស្រុកគីរីវង្សខេត្តតាកែវ ដោយឃាត់ខ្លួនជនសង្ស័យ០១នាក់ ឈ្មោះ ឡាយ សុខណា (ហៅ ចាំ)ភេទប្រុស អាយុ២៧ឆ្នាំ រស់នៅភូមិគោព្រិច ឃុំគោកព្រិច ស្រុកគីរីវង់ខេត្តតាកែវ និងបានវត្ថុតាងម្សៅក្រាមសថ្លាចំនួន១០កញ្ចប់ទម្ងន់, ជញ្ជីងថ្លឹងថ្នាំញៀន០១, ទូរស័ព្ទដៃ០២គ្រឿង, សម្ភារៈសេពនិងសម្ភារៈវេចខ្ចប់, ដែកកេះ០៥។

បច្ចុប្បន្នជនសង្ស័យ និងវត្ថុតាងខាងលើត្រូវបានមន្ត្រីជំនាញកសាងសំណុំរឿងតាមនីតិវិធី។