ភ្នំពេញ៖ ល្ងាចថ្ងៃអាទិត្យ ទី២២ ខែឧសភា ឆ្នាំ២០២២ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោក នាយឧត្តមសេនីយ៍ សៅ សុខា​ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតឱ្យប្រតិភូទីក្រុងកឺនធឺ ដឹកនាំដោយ ឯកឧត្តម Tran Viet Truong ប្រធានគណៈកម្មាធិការប្រជាជនទីក្រុងកឺនធឺ ចូលជួបសម្តែងការគួរសម និងពិភាក្សាការងារ ។

បន្ទាប់ពីជំនួប​បានបញ្ចាប់ លោក នាយឧត្តមសេនីយ៍ សៅ សុខា បានរៀបចំពិធីពិសារអាហារស្និទ្ធស្នាលជាមួយថ្នាក់ដឹកនាំគណៈកម្មាធិការទីក្រុងកឺនធឺនៃសាធារណៈរដ្ឋសង្គមនិយមវៀតណាមផងដែរ។