បន្ទាយមានជ័យ៖ នៅព្រឹកថ្ងៃអង្គារ ទី០៧ ខែមិថុនា ឆ្នាំ២០២២ លោក ឧត្តមសេនីយ៍ត្រី  បោន ប៊ិន មេបញ្ជាការ កងរាជអាវុហត្ថខេត្តបន្ទាយមានជ័យ និងមានការចូលរួមពីលោក  ប្រធានមន្ទីរអប់រំយុវជន និងកីឡាខេត្ត លោកនាយកសាលា បានអញ្ជើញក្រុងពាលីលើកបង្គោលភ្លើងធំចំនួន០៨ដើមនៅទីលានបាល់ទាត់សាលាតម្រង់ទិសវិទ្យាល័យ ហ៊ុន សែន ខ្លាកូនស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។

បង្គោលភ្លើងនេះជាអំណោយរបស់លោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុហត្ថខេត្ត ដើម្បីបង្ករភាពងាយស្រួលពេលមានព្រឹត្តិការប្រកួតកីឡាផ្សេងៗនៅលើទីលានបាល់ទាត់ ស្មៅធម្មជាតិមួយនេះ។

លោកឧត្ដមសេនីយ៍ត្រី បោន ប៊ិន បានបញ្ជាក់ឱ្យដឹងថា ទីលានបាល់ទាត់សាលាតម្រង់ទិសនេះបានស្ថាបនាឡើងដោយ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជាទាំង២៥រាជធានី-ខេត្ត ដើម្បីបង្កលក្ខណៈងាយស្រួលក្នុងការហ្វឹកហាត់របស់កីឡាករសហព័ន្ធផងដែរ ។