ព្រះវិហារ៖ នៅវេលាម៉ោង ១៥ និង០០នាទីថ្ងៃទី១២ ខែមិថុនា ឆ្នាំ២០២២ នៅចំណុចភូមិស្រអែមជើង ឃុំស្រអែមស្រុកជាំក្សាន្ត ខេត្តព្រះវិហារ កម្លាំងអាវុធហត្ថស្រុកជាំក្សាន្ត ដឹកនាំដោយលោក អនុសេនីយឯក ជុន បូរ៉ា មេបញ្ជាការស្រុកជាំក្សាន្ត បានចុះការបង្ក្រាបករណីគ្រឿងញៀន ដោយបានឃាត់ខ្លួនជនសង្ស័យចំនួន ០៤នាក់ឈ្មោះ ប្រាក់ ភារិទ្ធ ភេទប្រុស អាយុ៣៧ឆ្នាំ (មុខសញ្ញាចាស់ចេញពីពន្ធនាគារ), ឈ្មោះ សុង ឆុង ភេទប្រុស អាយុ៣៤ឆ្នាំ, ឈ្មោះ ជា វណ្ណឌី ភេទប្រុស អាយុ៥២ឆ្នាំ(មុខសញ្ញាចាស់ចេញពីពន្ធនាគារ) និងឈ្មោះ អ៊ុយ រ៉ាគោ ភេទប្រុស អាយុ២៩ឆ្នាំ (មុខសញ្ញាចាស់ចេញពីពន្ធនាគារ) ទាំង៤នាក់មុខរបរពុំពិតប្រាកដ រស់នៅភូមិស្រអែមខាងជើង ឃុំស្រអែម ស្រុកជាំក្សាន្ត ។ លុះដល់ថ្ងៃទី១៣ ខែមិថុនា ឆ្នាំ២០២២ វេលាម៉ោង១៦ និង ០០នាទី មន្ត្រីជំនាញបានសុំគោលការណ៌ពីព្រះរាជអាជ្ញាអមសាលាដំបូងខេត្តព្រះវិហារ ដើម្បីបន្តរស្រាវជ្រាវបន្ថែមទៀតដោយបានឃាត់ខ្លួនជនសង្ស័យ ២នាក់ទៀតឈ្មោះ ព្រហ្ម សោភណ្ឌ័ ភេទប្រុស អាយុ៣៨ឆ្នាំ និងឈ្មោះ អូន សុខសាន្ត ភេទប្រុស អាយុ៣២ឆ្នាំរស់នៅភូមិស្រអែមខាងជើង ឃុំស្រអែម ស្រុកជាំក្សាន្ត ។

វត្ថុតាងចាប់យករួមមានថ្នាំញៀនម៉ាទឹកកកចំនួន ៣កញ្ចប់តូច, ទូរស័ព្ទដៃចំនួន ៦គ្រឿង, លុយខ្មែរចំនួន ២២០,០០០រៀល, លុយដុល្លារចំនួន៥០$, ម៉ូតូចំនួន ១គ្រឿង, ចិញ្ជៀនស្ពាន់ ១វង្ស, ចិញ្ជៀនប្រាក់១វង្ស, នាឡិការដៃ១គ្រឿង និងសម្ភារៈប្រើប្រាស់គ្រឿងញៀនមួយចំនួន។

បច្ចុប្បន្នកម្លាំងជំនាញកំពុងកសាងសំណុំរឿងដើម្បីចាត់ការតាមនីតិវិធី ។