ភ្នំពេញ៖ នៅសាលប្រជុំ Video Conference នៃបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ឯក សេង សុង មេបញ្ជាការរង កងរាជអាវុធហត្ថលើផ្ទៃប្រទេស បានប្រជុំផ្សព្វផ្សាយការងារចាក់វ៉ាក់សាំងបង្ការជំងឺកូវីដ-១៩ ដូសទី៥ តាមផែនការរបស់អនុគណៈចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្រសួងការពារជាតិ។ អញ្ជើញចូលរួមក្នុងកិច្ចប្រជុំនេះ មានឧត្តមសេនីយ៍នាយសេនាធិការរង ស្នងការ ស្នងការរង នាយក នាយករង សាលាទាំង២ នាយ នាយរងការិយាល័យ នាយសេនាធិការ នាយសេនាធិការរង នាយការិយាល័យ កងរាជអាវុធហត្ថរាជធានី/ខេត្តផងដែរ។