កំពត៖ នៅវេលាម៉ោង ១១ និង២០នាទីថ្ងៃទី១៥ ខែមិថុនា ឆ្នាំ២០២២ កម្លាំងអាវុធហត្ថខេត្តកំពត និងកម្លាំងមូលដ្ឋានកងរាជអាវុធហត្ថស្រុកទឹកឈូ ដឹកនាំដោយ លោក វរសេនីយ៍ឯក សេង វិច្ឆិកា មេបញ្ជាការរងកងរាជអាវុធហត្ថខេត្ត ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត កម្លាំងបានចុះបង្រ្កាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចភូមិម៉ាក់ប្រាំង ឃុំកំពង់គ្រែងស្រុកទឹកឈូ ខេត្តកំពត ដោយបានឃាត់ខ្លួនជនសង្ស័យចំនួន០១នាក់ឈ្មោះ អ៊ូ អាន ភេទប្រុសអាយុ២១ឆ្នាំ មុខរបរមិនពិតប្រាកដ រស់នៅភូមិម៉ាក់ប្រាំង ឃុំកំពង់គ្រែង ស្រុកទឹកឈូ ខេត្តកំពត និងចាប់យកវត្ថុតាងគ្រឿងញៀនចំនួន០១កញ្ចប់ធំ ០៤កញ្ចប់តូច, សម្ភារជក់គ្រឿងញៀនមួយចំនួន, ទូរស័ព្ទចំនួន ០១គ្រឿងម៉ាក, ដែកកេះចំនួន០២។                      បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តតាមនីតិវិធី។