តាកែវ៖ កាលពីវេលាម៉ោង ០៦:៣០នាទី ថ្ងៃទី២៣ ខែមិថុនា ឆ្នាំ២០២២ កម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្តតាកែវ និងកម្លាំងមូលដ្ឋានកងរាជអាវុធហត្ថស្រុកសំរោង ក្រុងដូនកែវ និងស្រុកគីរីវង់ ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង បានសហការរុករកទីតាំងដាំ ដំណាំកញ្ឆាចំនួន០២កន្លែង កន្លែងទី០១ នៅត្រង់ចំណុចខាងកាប់ថ្មជ្រោះទួងទូង ស្ថិតនៅភូមិស្លា ឃុំតាអូរស្រុកគីរីវង់ខេត្តតាកែវ ដោយបានកាប់បំផ្លាញកញ្ឆាស្រស់ចោលចំនួន៥,៣៦០ដើម, ផ្ទៃដី២៥៩ម៉ែត្រការ៉េ, ស្មើចំនួន០៦ទីតាំង, អាងស្តុបទឹកចំនួន០៤។ កន្លែងទី០២ត្រង់ចំណុចភ្នំថ្មត្រួត ស្ថិតនៅភូមិឈើទាលភ្លោះ ឃុំព្រៃអំពក ស្រុកគីរីវង់ ខេត្តតាកែវ ដោយបានកាប់កព្ឆាស្រស់ចោលចំនួន២,៩៨៩ដើម ស្មើ០៦ទីតាំង ផ្ទៃដី១,១០០ ម៉ែត្រការេ, អាងស្តុកទឹកចំនួន០៣ ក្រោយពីកាប់បំផ្លាញរួចកម្លាំងបានដុតបំផ្លាញចោលនៅនឹងកន្លែង។