ក្រចេះ ៖ នៅវេលាម៉ោង ៨:៣០នាទីព្រឹកថ្ងៃទី៣ ខែកក្កដា ឆ្នាំ២០២២ ដោយមានការចង្អុលបង្ហាញពីលោកឧត្តមសេនីយ៍ត្រី សាន្តប៊ុនថាន មេបញ្ជាការកងរាជអាវុធហត្ថខេត្តក្រចេះ ដឹកនាំដោយលោកវរសេនីយ៍ត្រី នាង គង់ហ៊ាន ប្រធានមន្ទីរស្រាវជ្រាវ និង បង្ក្រាបបទល្មើស បានចុះបង្ក្រាបករណីជួញដូរ និងប្រើប្រាស់គ្រឿងញៀននៅចំណុចភូមិស្រុករទេះ ឃុំជ្រោយបន្ទាយ ស្រុកព្រែកប្រសព្វខេត្តក្រចេះ ដោយមានការសម្របសម្រួលនីតិវិធី ពីឯកឧត្តម គឺ ប៊ុណ្ណារ៉ា ព្រះរាជអាជ្ញា អមសាលាដំបូងខេត្តក្រចេះបានឃាត់ខ្លួនជនសង្ស័យចំនួន ១នាក់-ឈ្មោះ អ៊ុយ ម៉ុង ភេទប្រុស អាយុ ៣៦ ឆ្នាំជនជាតិខ្មែរ មានទីលំនៅភូមិរកាធំ ឃុំជ្រោយបន្ទាយ ស្រុកព្រែកប្រសព្វខេត្តក្រចេះ មុខរបរ កម្មករចាំចំការ ដោយចាប់បានវត្ថុតាងរួមមាន ម្សៅក្រាមពណ៌ស(សង្ស័យជាសារធាតុញៀនម៉ាទឹកកក)ចំនួន ១៩ កញ្ចប់ (មធ្យម ៦ តូច ១៣) ជញ្ជីងថ្លឹង ១គ្រឿង ដែកកេះ ១ កន្រ្តៃយ៍ ១ កាំភ្លើងកែឆ្នៃ(ខ្យល់) ១ដើម ដាវ ១ សម្ភារៈសំរាប់វេចខ្ចប់ និងប្រើប្រាស់មួយចំនួន។ បច្ចុប្បន្នជនសង្ស័យនិងវត្ថុតាងឃាត់ខ្លួននឹងរក្សាទុកបណ្ដោះអាសន្ននៅមន្ទីរស្រាវជ្រាវ និងបង្រ្កាបបទល្មើស ដើម្បីចាត់ការបន្តតាមនីតិវិធី ។