បន្ទាយមានជ័យ៖ ថ្ងៃទី៣០ ខែមិថុនា ឆ្នាំ២០២២ កម្លាំងអាវុធហត្ថក្រុងសិរីសោភ័ណ ឃាត់ខ្លួនជនសង្ស័យចំនួន ០២នាក់ ករណីលួច និងបើប្រាស់សារធាតុញៀនដោយខុសច្បាប់ នៅចំណុចភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ជនសង្ស័យ ទី១.ឈ្មោះ រ៉ា ភារុណ ហៅ សីហា ភេទប្រុស អាយុ ២៩ឆ្នាំ រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ២.ឈ្មោះ សុខ រិទ្ធិ ហៅ រើន ភេទប្រុស អាយុ៣២ឆ្នាំ មុខរបរកម្មករ ទីលំនៅបច្ចុប្បន្ន ភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
ដោយដកហូតបានវត្ថុតាងរួមមាន ធុងបាស់ម៉ាក JVE PRO ពណ៌ខ្មៅ ចំនួន ០១គ្រឿង (ប្រគល់ជូនម្ចាស់ដើមវិញ) ទូឡឺរ៉ឺស ចំនួន០១ដើម ដែកចុងស្រួចកែច្នៃសម្រាប់ទុកកាច់សោ កម៉ូតូចំនួន ០១ដើម ថ្នាំញៀនប្រភេទយ៉ាម៉ា ០១គ្រាប់ ។ បច្ចុប្បន្ន ជនសង្ស័យនិងវត្ថុតាងត្រូវបានកម្លាំងអាវុធហត្ថក្រុង បញ្ជូនបន្តមកបញ្ជាការដ្ឋានកងរាជអាវុធហត្ថខេត្តដើម្បីចាត់ការបន្តតាមនីតិវិធី។