កំពង់ស្ពឺ៖ ដោយមានណែនាំផ្ទាល់ពីសំណាក់លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ ត្រូវយកចិត្តទុកដាក់លើបញ្ហាសុខទុក្ខ នាយទាហាន នាយទាហានក្រមឱវាទ ជាក់ស្តែងនាព្រឹកថ្ងៃទី១២ ខែកក្កដា ឆ្នាំ២០២២ លោកវរសេនីយ៍ត្រី យស ឌីណា មេបញ្ជាការ មូលដ្ឋានកងរាជអាវុធហត្ថ ស្រុកភ្នំស្រួច និងមន្ត្រីក្រោមឱវាទបានចុះសួរសុខទុក្ខ លោក អនុសេនីយ៍ឯក ថោង សុវណ្ណថាន នាយសេនាធិការមូលដ្ឋានស្រុក ដែលមានជម្ងឺកំពុងសម្រាកព្យាបាលនៅលំនៅដ្ឋាន ស្ថិតក្នុងភូមិចំការចេក ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ក្នុងនោះដែរបាននាំយកសម្ភារៈប្រគល់ជូនមានម៉ាសចំនួន ៥ប្រអប់, ទឹកផ្លែឈើចំនួន៣កេស, និងថវិកាចំនួន ៦០ម៉ឺនរៀល ។