កំពង់ចាម៖ នៅរសៀលថ្ងៃសុក្រ ៣រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៥ ខែកក្កដា ឆ្នាំ២០២២ លោក វរសេនីយ៍ទោ សែម ហាក់ នាយសេនាធិការ តំណាងឱ្យលោក ឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានអញ្ជើញដឹកនាំនាយ នាយរងនៃកងរាជអាវុធហត្ថក្រោមឱវាទ ចូលរួមពិធីបុណ្យសពម្តាយ របស់លោកវរសេនីយ៍ត្រី សុខ ចំរើន នាយការិយាល័យប្រឆាំងការជួញដូរមនុស្ស មន្ទីរស្រាវជ្រាវ និងបង្រ្កាបបទល្មើស កងរាជអាវុធហត្ថខេត្តកំពង់ចាម ដែលបានទទួលមរណភាព នៅថ្ងៃទី១០ ខែកក្កដា ឆ្នាំ២០២២ ដោយ រោគាពាធ។ ក្នុងឱកាសនោះដែរ លោក នាយសេនាធិការ បាននាំយកថវិកានាយ នាយរងកងរាជអាវុធហត្ថខេត្តកំពង់ចាម សរុបចំនួន ៣,០៦០,០០០រៀល ចូលបុណ្យដល់ក្រុមគ្រួសារសព ស្ថិតនៅភូមិត្រពាំងថ្ម ឃុំក្រឡា ស្រុកកំពង់សៀម ខេត្តកំពង់ចាម។