កំពត៖ នៅវេលាម៉ោង ១៨ និង ១០នាទីថ្ងៃទី១៦ ខែកក្កដា ឆ្នាំ២០២២ កម្លាំងអាវុធហត្ថខេត្តកំពត និងកម្លាំងមូលដ្ឋាន កងរាជអាវុធហត្ថក្រុងបូកគោ ដឹកនាំដោយលោក វរសេនីយ៍ឯក សេង វិច្ឆិកា មេបញ្ជាការរងទទួលការងារជំនាញគ្រឿងញៀន ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត កម្លាំងបានឃាត់រថយន្តមួយគ្រឿង(ករណីសង្ស័យដើម្បីធ្វើការត្រួតពិនិត្យ) នៅចំណុចភូមិគីឡូ១២ សង្កាត់កោះតូចក្រុងបូកគោខេត្តកំពត ដោយបានឃាត់ខ្លួនជនសង្ស័យចំនួន០២នាក់ និងចាប់យកវត្ថុតាងគ្រឿងញៀនចំនួន០១កញ្ចប់, រថយន្ត០១គ្រឿង, សម្ភារៈជក់គ្រឿងញៀនមួយចំនួន, ទូរស័ព្ទចំនួន០២គ្រឿង, ដែកកេះចំនួន០២, ប្រាក់រៀលចំនួន១១០,០០០៛។

បច្ចុប្បន្នជនសង្ស័យ និងវត្ថុតាងត្រូវបានការិយាល័យជំនាញ កសាងសំណុំរឿងបញ្ជូនទៅអយ្យការអមសាលាដំបូងខេត្ត។