ពោធិ៍សាត់៖ នៅវេលាម៉ោង៨ និង៤០នាទី ថ្ងៃទី២០ ខែកក្កដា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកក្រគរ ខេត្តពោធិ៍សាត់ សហការជាមួយកម្លាំងចម្រុះ ចុះបង្ក្រាបបទល្មើសនេសាទនៅ ចំណុចលេខ(០៤២៨២៥២.១៣៨៦៣៤២) និងចំណុចលេខ(០៤៣០២៩៨.១៣៨៣៧៩៨)ស្ថិតក្នុងភូមិកំពង់ថ្គោល ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយបង្រ្កាបបានរបាំងសាច់អួនចំនួន៣ខ្សែ ស្មើនឹង៩០០ម៉ែត្រ, ក្បាលបរចំនួន ៣គ្រឿង, បង្គោលចំនួន១៥០ដើម, លូរកងស្បៃម៉ុងចំនួន២២មាត់, លែងត្រីចម្រុះចំនួន១២គីឡូក្រាម វត្ថុតាងទាំងអស់កាប់បំផ្លាញចោលនៅនឹងកន្លែង។