បាត់ដំបង៖ នៅម៉ោង ០៣ និង ៤០នាទី ថ្ងៃទី១៩ ខែកក្កដា ឆ្នាំ២០២២ នៅចំណុចផ្លូវជាតិលេខ ៥៧បេ ស្ថិតក្នុងភូមិដំណាក់ដង្កោ ឃុំក្តុលតាហែន ស្រុកបវេល ខេត្តបាត់ដំបង មានករណីលួចដោយមានស្ថានទម្ងន់ទោស ( ប្លន់ម៉ូតូ ) ដោយមិនស្គាល់សាវតា ចំនួន ០៩ នាក់ ជិះម៉ូតូ ០៣ គ្រឿង ប្រដាប់ដោយកាំបិតផ្គាក់ និង ដាវ បានធ្វើសកម្មភាពស្ទាក់ប្លន់ម៉ូតូម៉ាកហុងដាឌ្រីម ១២៥ ពណ៌ខ្មៅស៊េរីឆ្នាំ ២០២២ ពាក់ផ្លាកលេខ បាត់ដំបង 1AP 4074 របស់ជនរងគ្រោះឈ្មោះ គង់ ណន់ ភេទប្រុស អាយុ ៤៨ ឆ្នាំ មុខរបរធ្វើចំការរស់នៅភូមិតាំងយូ ឃុំអូរដា ស្រុកកំរៀង ខេត្តបាត់ដំបង បន្ទាប់ពីធ្វើសកម្មភាពប្លន់រួចជនល្មើសគេចខ្លួនបាត់ រហូតដល់ម៉ោង ១០ និង ៣០ នាទី ថ្ងៃទី១៩ ខែកក្កដា ឆ្នាំ២០២២ នៅភូមិវត្តរំដួល សង្កាត់ចំការសំរោង ក្រុងបាត់ដំបង កម្លាំងអាវុធហត្ថខេត្តបានធ្វើការចាប់ខ្លួនជនសង្ស័យចំនួន ០៩ នាក់ ពាក់ព័ន្ឋករណីលួចមានស្ថានទម្ងន់ទោស ( ប្លន់ម៉ូតូ ) និងចាប់យកវត្ថុតាងម៉ូតូ ០៥ គ្រឿង, កាំបិតផ្គាក់ ០៣ ដើម, ផ្លាកលេខម៉ូតូ ០២ សន្លឹក។

បច្ចុប្បន្នជនសង្ស័យ និង វត្ថុតាងកំពុងឃាត់ខ្លួននិងកសាងសំណុំរឿងបញ្ជូនទៅតុលាការ ។