កំពង់ឆ្នាំង៖ នៅវេលាម៉ោង ០២:១៥នាទី រំលងអធ្រាត្រ ឈានចូលថ្ងៃទី១៩ ខែកក្កដា ឆ្នាំ២០២២ កម្លាំងមូលដ្ឋាន កងរាជរាជអាវុធហត្ថក្រុងកំពង់ឆ្នាំង បានឃាត់ចាប់រថយន្ត ០១ គ្រឿងម៉ាកសាំយ៉ុងពណ៌ទឹកប្រាក់ ពាក់ស្លាកលេខ ភ្នំពេញ 2A-5383 ដឹកឈើប្រណិតប្រភេទធ្នង់គ្មានលិខិតអនុញ្ញាត និងបានឃាត់បានជនសង្ស័យចំនួន ០១ នាក់ ឈ្មោះ អ៊ឹម សេត ភេទប្រុស អាយុ៤៦ឆ្នាំ ជនជាតិខ្មែរ មុខរបរស៊ីឈ្នួលលើកឈើ រស់នៅភូមិអង្គតានន ឃុំរលាំងគ្រើល ស្រុកសំរោងទង ខេត្តកំពង់ស្ពឺ។ (ចំណែកអ្នកបើកប រថយន្តរត់គេចខ្លួនបាត់) វត្ថុតាងចាប់យកមានរថយន្តចំនួន ០១គ្រឿង, ឈើប្រណិត ប្រភេទធ្នង់ ចំនួន២២ដុំ, ទូរស័ព្ទចំនួន ០១គ្រឿង។

បច្ចុប្បន្ន កម្លាំងការិយាល័យព្រហ្មទណ្ឌ បានកសាងសំណុំរឿងបញ្ជូនទៅអយ្យការអមសាលាដំបូងខេត្តកំពង់ឆ្នាំង។