ឧត្តរមានជ័យ៖ នៅថ្ងៃទី២៤ ខែកក្ដដា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកត្រពាំងប្រាសាទ ខេត្តឧត្តរមានជ័យ ដឹកនាំដោយលោក វរសេនីយ៍ត្រី កើត ខេមរៈ  មេបញ្ជាការមូលដ្ឋានកងរាជអាវុធហត្ថស្រុក បានចុះបង្ក្រាបករណីរក្សាទុក និង ប្រើប្រាស់ដោយខុសច្បាប់នូវសារធាតុញៀន ០១កន្លែងស្ថិតនៅភូមិអូរក្រូច ឃុំ-ស្រុក ត្រពាំងប្រាសាទ ខេត្តឧត្តរមានជ័យដោយបានឃាត់ខ្លួនជនសង្ស័យ ០១នាក់ឈ្មោះ  ហម ខ្វិន ភេទប្រុស អាយុ៣០ឆ្នាំ មុខរបរកសិករ (រស់នៅភូមិឃុំខាងលើ) ព្រមទាំងចាប់យកវត្ថុតាងម្សៅក្រាមពណ៌សថ្លា (ម៉ាទឹកកក) ៦កញ្ចប់, ទូរស័ព្ទ ០១គ្រឿង, អាវុធខ្លី ០១ដើម, អាវុធកែច្នៃ ០២ដើម, គ្រាប់បែក ០១, កាបូប ០១ និងសម្ភារៈប្រើប្រាស់សារធាតុញៀនមួយចំនួន បច្ចុប្បន្នជនសង្ស័យ និង វត្ថុតាងកម្លាំងជំនាញបានកសាងសំណុំរឿងតាមនីតិវិធី ។