បាត់ដំបង៖ អនុវត្តបទបញ្ជាយ៉ាងម៉ឺងម៉ាត់របស់លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្ដបាត់ដំបង នៅថ្ងៃទី២៨ ខែកក្កដា ឆ្នាំ២០២២ វេលា ម៉ោង១២:០០នាទី កម្លាំងមូលដ្ឋានកងរាជអាវុធហត្ថស្រុកសំឡូត អនុវត្តដីកាបញ្ជាឱ្យចូលខ្លួន លេខ២៧ ដ.ប.ខ ចុះថ្ងៃទី២១ ខែកក្កដា ឆ្នាំ២០២២ របស់លោកស្រី នេត សុផារិន ព្រះរាជអាជ្ញារងនៃ អយ្យការអមសាលាដំបូងខេត្តបាត់ដំបង ដោយបញ្ជាឱ្យចូលខ្លួនចំនួន០១នាក់ឈ្មោះ អ៊ិត ធី (ហៅអឿន) ភេទប្រុស អាយុ៥៥ ឆ្នាំមុខរបរធ្វើចំការ ទីលំនៅភូមិចម្លងរមាំងលើ ឃុំអូរសំរិល ស្រុកសំឡូត ខេត្តបាត់ដំបង ។ ដោយជាប់ចោទពីបទឃាតកម្មប្រព្រឹត្តនៅចំណុចទាក់ព្រ័តភូមិឃុំចម្លងរមាំងលើ ឃុំអូរសំរិល ស្រុកសំឡូត ខេត្តបាត់ដំបង កាលពីថ្ងៃទី០៨ ខែមិថុនា ឆ្នាំ២០២១។