ឧត្តរមានជ័យៈ នៅវេលាម៉ោង១៩ និង០០នាទីយប់ ថ្ងៃទី២២ ខែតុលា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកចុងកាល់ បានធ្វើការឃាត់គោយន្តដឹកឈើល្មើសច្បាប់ចំនួន០៥គ្រឿង ស្ថិតនៅចំណុច បទកែងភូមិព្រៃធំ ស្រុកចុងកាល់ ខេត្តឧត្តរមានជ័យ។
នេះបើយោងតាមប្រភពពត៌មានពីភ្នាក់ងារ GRK News បានឱ្យដឹងថា ក្នុងប្រតិបត្តិការបង្ក្រាបនោះផងដែរ
កម្លាំងកងរាជអាវុធហត្ថ ក៏បានធ្វើការឃាត់ខ្លួនបានជនល្មើសចំនួន០៥នាក់ ដែលមានឈ្មោះៈ
០១.ឡាំ ធឿន ភេទប្រុស អាយុ៤៣ឆ្នាំ រស់នៅស្រុក អង្គរជុំ ខេត្ត សៀមរាប
០២.លិម សោន ភេទ ប្រុស អាយុ២៥ឆ្នាំ រស់នៅស្រុក អង្គរជុំ ខេត្ត សៀមរាប
០៣.តិ តង ភេទ ប្រុស អាយុ៣៣ឆ្នាំ រស់នៅស្រុក អង្គរជុំ ខេត្ត សៀមរាប
០៤.ស៊ុន ឡៃ ភេទ ប្រុស អាយុ៣៥ឆ្នាំ រស់នៅស្រុក អង្គរជុំ ខេត្ត សៀមរាប
០៥.សំ រួន ភេទ ប្រុស អាយុ៣៣ឆ្នាំ រស់នៅស្រុក អង្គរជុំ ខេត្ត សៀមរាប។

បន្ថែមពីនោះដែរ ភ្នាក់ងារ បានបញ្ជាក់ទៀតថា កម្លាំងកងរាជអាវុធហត្ថ ក៏បានធ្វើការ ចាប់យកវត្ថុតាងមួយចំនួនរួមមានៈ
០១. គោយន្ត ចំនួន០៥គ្រឿង
០២. ឈើប្រណិតប្រភេទ ក្រាក់សុក្រំ ពេញមួយគោយន្តចំនួន០៥គ្រឿង (មិនទាន់វាស់វែង)។

ជនសង្ស័យ និងវត្ថុតាង ត្រូវមន្ត្រីជំនាញកងរាជអាវុធហត្ថខេត្តឧត្តរមានជ័យ កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។