ប៉ៃលិន៖ នៅវេលាម៉ោង ២០ និង ១០នាទី កម្លាំងអាវុធហត្ថខេត្តប៉ៃលិន ដឹកនាំដោយលោក វរសេនីយ៍ឯក លី សុផា មេបញ្ជាការរង ទទួលផែនស្រាវជ្រាវព័ត៌មានសន្តិសុខ បានចុះបង្ក្រាបបទល្មើសព្រៃឈើ នៅភូមិដីក្រហម សង្កាត់អូរតាវៅ ក្រុងប៉ៃលិន ខេត្តប៉ៃលិន ដោយបានចាប់យកវត្ថុតាងរួមមានរថយន្តម៉ាកកាម៉ារី០១ គ្រឿងស្លាកលេខ2D:7663, ម៉ូតូ០៩គ្រឿង, ឈើចំនួន ១៩ដុំ និង មនុស្ស ៣នាក់។ វត្ថុតាងទាំងនេះ និង ជនសង្ស័យប្រគល់ជូនរដ្ឋបាលព្រៃឈើ នៅវេលាម៉ោង១០ និង ០០នាទី ថ្ងៃទី១៦ ខែសីហា ឆ្នាំ២០២២។