ក្រចេះៈ នៅវេលាម៉ោង១៥ និង១០នាទី ថ្ងៃទី២៥ ខែតុលា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថស្រុកសម្បូរ បានធ្វើការបង្ក្រាបករណីដឹកជញ្ជូនឈើល្មើសច្បាប់ចំនួន០១លើក ស្ថិតនៅចំណុច ភូមិអូរក្រៀង ឃុំអូរក្រៀង ស្រុកសម្បូរ ខេត្តក្រចេះ។

នេះបើយោងតាមប្រភពពត៌មានពី ភ្នាក់ងារ GRK News ប្រចាំខេត្តក្រចេះ បានឱ្យដឹងថា ក្នុងប្រតិបត្តិការបង្ក្រាបបទល្មើសនោះផងដែរ កម្លាំងក៏បានចាប់យកវត្ថុតាងមួយចំនួនរួមមានៈ
០១. រថយន្តយីឌុប ចំនួន០១គ្រឿង
០២. ឈើប្រណិតចំរុះជាច្រើនដុំ (មិនទាន់វាស់វែង)។

វត្ថុតាង ត្រូវមន្ត្រីជំនាញកងរាជអាវុធហត្ថខេត្តក្រចេះ កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។ ចំណែកជនសង្ស័យ ត្រូវបានកម្លាំងកងរាជអាវុធហត្ថកំពុងស្វែងរក ដើម្បីយកមកផ្តន្ទាទោសតាមច្បាប់។