ភ្នំពេញ៖ រសៀលថ្ងៃទី៣០ ខែសីហា ឆ្នាំ២០២២ នៅសាលប្រជុំអាគារសេនាធិការដ្ឋាន កងរាជអាវុធហត្ថលើផ្ទៃប្រទេស លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញចូលរួមប្រជុំនិងថ្លែងសុន្ទរកថា ក្នុងវេទិកាកិច្ចសហប្រតិបត្តិការអន្តរជាតិប្រឆាំងភេរវកម្មរបស់កងកម្លាំង​ប្រឆាំងភេរវកម្ម​លេីសកលលោក ដែលរៀបចំឡើងដោយកងកម្លាំងប៉ូលីសប្រដាប់អាវុធចិន តាមប្រព័ន្ធ Zoom មានការចូលរួម​ពីបណ្ដាប្រទេស​ផ្សេងៗទៀតលើពិភពលោក។ បន្ទាប់ពីកិច្ចប្រជុំចប់ លោកនាយឧត្តមសេនីយ៍ សៅ សុខា បានពិភាក្សាការងារជាមួយ​លោកវរសេនីយ៍ឯកពិសេស Tang Hao ប្រធានការិយាល័យអនុព័ន្ធយោធាសាធារណរដ្ឋ​ប្រជាមានិតចិនប្រចាំនៅកម្ពុជា ស្តីពីកិច្ចសហប្រតិបត្តិការរវាងកងរាជអាវុធហត្ថនិងយោធាចិន។