ក្រចេះ៖ នៅវេលាម៉ោង ១៥ និង ៣០នាទី ថ្ងៃទី២៩ ខែសីហា ឆ្នាំ២០២២ កម្លាំងមូលដ្ឋានកងរាជអាវុធហត្ថស្រុកសំបូរ ស្នាក់ការសន្តិសុខ៧០៦ ដឹកនាំដោយលោក អនុសេនីយ៍ឯក ភួង សុផល មេបញ្ជាការរងមូលដ្ឋាន កងរាជអាវុធហត្ថស្រុកសំបូរ ខេត្តក្រចេះ បានចុះល្បាតបង្ក្រាបបទល្មើសធនធានធម្មជាតិ ការដឹកជញ្ជូនផល អនុផលព្រៃឈើពុំមានលិខិអនុញ្ញាតនៅចំណុចក្រុមហុនឈិនហុង ស្ថិតក្នុងភូមិស្រែភ្លី ឃុំកំពុងចាម ស្រុកសំបូរ ខេត្តក្រចេះ កម្លាំងបានឃាត់រថយន្ត សាំយ៉ុង១គ្រឿង ពណ៌ស ពាក់ស្លាកលេខកំពង់ចាម 2A 5074 ដឹកជញ្ជូនឈើអារគ្រឿងក្តារ ប្រភេទលេខ២ (ឈើទាលប្តៀក)ចំនួន២៣១សន្លឹក(មិនទាន់ធ្វើការវាស់វែង)។

បច្ចប្បន្នវត្ថុតាំងខាងលើបានប្រគល់ជូនសង្កាត់រដ្ឋបាលព្រៃឈើ វឌ្ឍនៈដើម្បីចាត់ការបន្តតាមនីតិវិធី។