អហ កណ្តាល៖ នៅវេលាម៉ោង៧និង៣០នាទី ថ្ងៃទី៦ ខែកញ្ញា ឆ្នាំ២០១៥ កម្លាំងអាវុធហត្ថស្រុកកណ្តាលស្ទឹង ដឹកនាំដោយលោក អនុសេនីយ៍ឯក ថន រដ្ឋា មេបព្ជាការរង កងរាជអាវុធហត្ថស្រុក សហការជាមួយកម្លាំងចម្រុះ និងគណៈបញ្ជាការឯកភាពស្រុក ចុះត្រួតពិនិត្យនិងបង្ក្រាបបទល្មើសនេសាទខុសច្បាប់ នៅចំណុចតាមទំនប់៩២-៩៤ ស្ថិតក្នុងស្រុកកណ្តាលស្ទឹង ខេត្តកណ្តាល។ ជាលទ្ឋផលចាប់យកសៃយ៉នស្បៃមុង ១៥មាត់លូ, របាំងស្បៃមុង ៥០០ម៉ែត្រ, បង្គោលតូច-ធំ ៥៦០ដើម, របាំងកាត់ព្រែក ០៦របាំង, ព្រួលឬស្សី ១០២ម៉ែត្រ និងលបឬស្សី ៣១លប។ ឧបករណ៍នេសាទប្រមូលបានខាងលើត្រូវបានដុតបំផ្លាញចោល។
