ក្រចេះៈ នៅវេលាម៉ោង០៨ និង០០នាទី ថ្ងៃទី៣១ ខែតុលា ឆ្នាំ២០១៦ នៅបញ្ជាការដ្ឋានកងរាជអាវុធហត្ថខេត្តក្រចេះ បានបើកកិច្ចប្រជុំ ស្ដីពីការវាយតម្លៃជ្រើសរើសអង្គភាព និងបុគ្គល ដែលមានលក្ខណៈសម្បត្តិល្អ ដើម្បីស្នើរសុំលិខិតសរសើរ និងគ្រឿងឥស្សរិយយស ក្រោមអធិបតីភាព លោក វរសេនីយ៍ឯក សួស ចំរើន មេបញ្ជាការរង កងរាជអាវុធហត្ថខេត្តក្រចេះ

និងមានការចូលរួមពីសំណាក់លោកមេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ មេបញ្ជាការក្រុង ស្រុក និងស្នាក់ការសន្តិសុខនិង នាយការិយាល័យ សរុបចំនួន៣៥ នាក់។

ក្នុងកិច្ចប្រជុំនោះដែរ លោកមេបញ្ជាការរង បានធ្វើការពិភាក្សារ និងបានវាយតម្លៃខ្ពស់ទៅលើអង្គភាព និងបុគ្គលណាដែលមានស្នាដៃរ និងគោរពវិន័យល្អ ចេះសាមគ្គីឯភាពផ្ទៃក្នុងកងរាជអាវុធហត្ថ ទៅលើ ទស្សនៈ គោលជំហរ និងសកម្មភាពឲ្យស្របគ្នា គឺតួនាទីភារៈកិច្ចលក្ខន្តិកៈ បទវិន័យ របស់កងរាជអាវុធហត្ថ លើផ្ទៃប្រទេស ។