ក្រចេះ៖ ថ្ងៃទី២១ ខែកញ្ញា ឆ្នាំ២០២២ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ ព្រមទាំងនាយទាហាន នាយទាហានរង នៃកងរាជអាវុធហត្ថខេត្តក្រចេះ បាននាំយកទេយ្យទាន និងគ្រឿងឧបភោគ-បរិភោគ ប្រគេនដល់ព្រះសង្ឃដែលគង់នៅវត្ត ចំនួន៣ (១-វត្តចង្ហប ក្នុងឃុំក្បាលដំរី ,២-វត្តអូរគ្រៀង ក្នុងឃុំអូរគ្រៀង ,៣-វត្តអូរកណ្តៀរ ឃុំអូរកណ្តៀរសែនជ័យ) ស្ថិតក្នុងស្រុកសំបូរ ខេត្តក្រចេះ ក្នុងវេនបិណ្ឌទី១១ ក្នុងនោះផងដែរ លោក ឧត្តមសេនីយ៍ បានប្រគល់បច្ច័យ និង ទេយ្យទាំនក្នុងមួយវត្តៗ មានអង្ករ ៥០គីឡូក្រាម, មី ១៥កេស, ទឹកបរិសុទ្ធ ១៥កេស, ទឹកក្រូច ៩កេស, និង បច្ច័យចំនួន ៥០០,០០០រៀល។

ដោយឡែកនៅវត្តអូរកណ្តៀរ លោកឧត្តមសេនីយ៍ត្រី មេបញ្ជាការ និងនាយទាហាន នាយទាហានរង នៃកងរាជអាវុធហត្ថខេត្តក្រចេះ បានឧបត្ថម្ភអណ្តូងទឹកស្អាត ប្រគេនជូនវត្តចំនួន ១អណ្តូង ដោយចំណាយប្រាក់ ចំនួន ៩០០ដុល្លារ ។