បាត់ដំបង៖ រសៀលថ្ងៃទី២១ ខែកញ្ញា ឆ្នាំ២០២២ ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង បានទទួលជួបស្វាគមន៍ជាមួយម្ចាស់ក្រុមហ៊ុនទឹកបរិសុទ្ធអារុណា ដែលបាននាំយកអំណោយទឹកបរិសុទ្ធ ចំនួន ១០០កេស ឧបត្ថម្ភដល់បញ្ជាការដ្ឋានកងរាជអាវុធហត្ថខេត្តបាត់ដំបង សម្រាប់ចាត់ចែងប្រើប្រាស់តាមតម្រូវការចាំបាច់ចំពោះមុខ។

ក្នុងឱកាសនេះ លោក ឧត្ដមសេនីយ៍ត្រី មេបញ្ជាការ ក៏បានថ្លែងនូវអំណរគុណចំពោះសមានចិត្តដ៏ល្អថ្លៃថ្លារបស់ម្ចាស់ក្រុមហ៊ុនទឹកបរិសុទ្ធ អារុណា និងក្រុមការងារ ដែលបានឆ្លៀតពេលដ៏មានតម្លៃ នាំយកអំណោយប្រគល់ជូននាពេលនេះ និង សូមជូនពរដល់ម្ចាស់ក្រុមហ៊ុនទឹកបរិសុទ្ធ អារុណា និងក្រុមការងារ ឱ្យមានសុខភាពល្អមាំមួន មានសុខសុមង្គល ក្នុងក្រុមគ្រួសារ និងដំណើរការមុខរបរទទួលទាន មានអតិថិនជនចូលចិត្តគាំទ្រច្រើន មានភាពរីកចម្រើនទៅមុខជារៀងរហូត។