កណ្តាល៖ នៅបញ្ជាការដ្ឋាន កងរាជអាវុធហត្ថកណ្តាល ព្រឹកថ្ងៃទី២២ ខែកញ្ញា ឆ្នាំ២០២២ លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្ត បានទទួលអំណោយសប្បុរសធម៌ពីក្រុមហ៊ុនទឹកសុទ្ធអារុណា ដែលបានប្រគល់ ជូនដល់កងរាជអាវុធហត្ថខេត្តកណ្តាល ទឹកសុទ្ធចំនួន ១០០កេស និង ឆ័ត្រចំនួន០៧ (ធំ២ តូច៥)។ ក្នុងឱកាសនោះដែរលោក មេបញ្ជាការរង មានក្តីសោមនស្សរីករាយក្រៃលែងចំពោះក្រុមហ៊ុនទឹកបរិសុទ្ធអារុណា ដែលបានបរិច្ចាគនូវធនធានផ្ទាល់ខ្លួនដោយស្ម័គ្រចិត្ត និងទឹកចិត្តជ្រះថ្លាមិនអាចកាត់ថ្លៃបាន ក្នុងនាមនាយទាហាន នាយទាហានរង នៃកងរាជអាវុធហត្ថ ខេត្តកណ្តាលទាំងមូល សូមថ្លែងអំណរគុណ និង ជូនពរដល់លោក អគ្គនាយកក្រុមហ៊ុនទឹកសុទ្ធអរុណា សូមបានសមប្រកបដោយពុទ្ធពរទាំង៤ ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។