តាកែវ៖ នៅបញ្ជាការដ្ឋាន កងរាជអាវុធហត្ថខេត្តតាកែវ រសៀលថ្ងៃទី២២ ខែកញ្ញា ឆ្នាំ២០២២ លោក វរសេនីយ៍ទោ សូត្រ សារឿន នាយសេនាធិការរង តំណាង លោក ឧត្តមសេនីយ៍ត្រី សេង មហា កងរាជអាវុធហត្ថខេត្តតាកែវ បានទទួលអំណោយសប្បុរសធម៌ពីក្រុមហ៊ុនទឹកបរិសុទ្ធអារុណា ដែលបានប្រគល់ ជូនដល់កងរាជអាវុធហត្ថខេត្តតាកែវ នូវទឹកបរិសុទ្ធចំនួន ១០០កេស និង ឆ័ត្រចំនួន០៧ (ធំ២ តូច៥)។ ក្នុងឱកាសនោះដែរលោក នាយសេនាធិការរង មានក្តីសោមនស្សរីករាយក្រៃលែងចំពោះក្រុមហ៊ុនទឹកបរិសុទ្ធអារុណា ដែលបាន ឧបត្ថម្ភដោយស្ម័គ្រចិត្ត និងទឹកចិត្តជ្រះថ្លាមិនអាចកាត់ថ្លៃបាន ក្នុងនាមនាយទាហាន នាយទាហានរង នៃកងរាជអាវុធហត្ថ ខេត្តតាកែវទាំងមូល សូមថ្លែងអំណរ អរគុណ ជូនពរដល់លោក អគ្គនាយកក្រុមហ៊ុនទឹកបរិសុទ្ធអារុណា សូមបានសមប្រកបដោយពុទ្ធពរទាំង៤ ប្រការ គឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។