រតនគិរី៖ នៅបញ្ជាការដ្ឋាន កងរាជអាវុធហត្ថខេត្តរតនគិរី ព្រឹកថ្ងៃទី២៣ ខែកញ្ញា ឆ្នាំ២០២២ លោក វរសេនីយ៍ឯក ចាន់ សារិន មេបញ្ជាការរង កងរាជអាវុធហត្ថខេត្ត តំណាងលោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្ត បានទទួលអំណោយសប្បុរសធម៌ពីតំណាងក្រុមហ៊ុនទឹកបរិសុទ្ធអារុណា ដែលបានប្រគល់ ជូនដល់កងរាជអាវុធហត្ថខេត្តរតនគិរី នូវទឹកបរិសុទ្ធចំនួន ១០០កេស និង ឆ័ត្រចំនួន០៧ ( ធំ២ តូច៥ ) ក្នុងឱកាសនោះដែរលោកមេបញ្ជាការរង មានក្តីសោមនស្សរីករាយចំពោះក្រុមហ៊ុនទឹកបរិសុទ្ធអារុណា ដែលបានបរិច្ចាគនូវធនធានផ្ទាល់ខ្លួន ដែលមានសទ្ធាជ្រះថ្លាមិនអាចកាត់ថ្លៃបាន ជំនួសមុខ លោក ឧត្តមសេនីយ៍មេបញ្ជាការ នាយទាហាន នាយទាហានរង នៃកងរាជអាវុធហត្ថ ខេត្តរតនគិរី ទាំងអស់សូមថ្លែងអំណរគុណ និង ជូនពរដល់លោកជំទាវ អគ្គនាយកក្រុមហ៊ុនទឹកបរិសុទ្ធអារុណា សូមបានសមប្រកបដោយពុទ្ធពរទាំង៥ ប្រការ គឺអាយុ វណ្ណៈ សុខៈ ពលៈ បដិភាណៈ កុំបីឃ្លៀងឃ្លាតឡើយ ។