កំពង់ស្ពឺៈ នៅវេលាម៉ោង២២យប់ ថ្ងៃទី២៨ ខែតុលា ឆ្នាំ២០១៦ ជនសង្ស័យចំនួន០៣នាក់ ត្រូវបានកម្លាំងមូលដ្ឋានកងរាជអាវុធហត្ថស្រុកសំរោងទង ធ្វើការឃាត់ខ្លួន សង្ស័យជាប់ពាក់ព័ន្ធជាមួយករណិលួច ស្ថិតនៅចំណុចភូមិតាំងតាឡាត់ ឃុំព្នាយ ស្រុកសំរោងទង ខេត្តកំពង់ស្ពឺ។

បន្ទាប់ពីធ្វើការឃាត់ខ្លួនរួចមក ជនសង្ស័យត្រូវបានបញ្ជូនទៅបញ្ជាការដ្ឋានខេត្តដើម្បីធ្វើការសាកសួរ។

បើយោងទៅតាមប្រភពពត៌មានពី លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអោយដឹងថា ជនសង្ស័យដែលត្រូវកម្លាំងកងរាជអាវុថហត្ថធ្វើការឃាត់ខ្លួននោះរួមមានឈ្មោះៈ
០១. សួង វ៉ាន់ថា ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅភូមិរលាំងសង្កែ សង្កាត់សុព័រទេព ក្រុងច្បារមន ខេត្តកំពង់ស្ពឺ
០២. អ៊ូច សុខអាណន់ ភេទប្រុស អាយុ២០ ឆ្នាំ មុខរបរមិនពិតប្រាកដមាន ទីលំនៅភូមិក្រាំងពលទេព សង្កាត់រកាធំ ក្រុងច្បារមន ខេត្តកំពង់ស្ពឺ
០៣. ងួន មេត្តា ភេទប្រុសអាយុ ២០ឆ្នាំ មុខរបរមិនពិតប្រាកដ មានទីលំនៅភូមិចំការដូង ឃុំវល្លីស ស្រុកសំរោងទង ខេត្តកំពង់ស្ពឺ។

លោកឧត្តមសេនីយ៍ត្រី បានបន្តអោយដឹងទៀងថា បន្ទាប់ពីធ្វើការសាកសួររួចមក ជនសង្ស័យបានឆ្លើយសារភាពថា រូបគេបានលួចម៉ូតូចំនួន០១គ្រឿងម៉ាក C125 ពណ៏ខ្មៅ
សេរី២០១២ ពាក់ស្លាលេខ១A ប៉ៃលិន ៨២៦៩ របស់ជនរងគ្រោះ ឈ្មោះអ៊ុក វឿន ភេទប្រុសអាយុ៤៩ ឆ្នាំ មុខរបរធ្វើស្រែ មានទីលំនៅភូមិឃុំកើតហេតុខាងលើ។ ក្រោយពីជនសង្ស័យបានធ្វើសកម្មភាពរួចបានមក ក៏យកទៅលាក់ទុកនៅផ្ទះជួលនៅភូមិក្រាំងពលទេព សង្កាត់រកាធំ ក្រុងច្បារមន ខេត្តកំពង់ស្ពឺ។

លោកឧត្តមសេនីយ៍ត្រី បានបន្តអោយដឹងទៀងថា លុះរសៀលម៉ោង ១២ និង០០នាទី ថ្ងៃទី៣១ ខែតុលា ឆ្នាំ២០១៦ បន្ទាប់ពីទទួលបានចម្លើយសារភាពរបស់ជនសង្ស័យរួចមក និងដោយមានការទទួលសហការពី លោកព្រះអាជ្ញាអមសាលាដំបូងខេត្តកំពង់ស្ពឺ កម្លាំងកងរាជអាវុធហត្ថបានចុះទៅធ្វើការឆែកឆេរលំនៅដ្ឋាន តាមចម្លើយរបស់ជនសង្ស័យ។

ក្នុងប្រតិបត្តិការឆែកឆេរនោះផងដែរ កម្លាំងកងរាជអាវុធហត្ថក៏បានប្រទះឃើញជនសង្ស័យចំនួន០៣នាក់ កំពុងសេពគ្រឿងញៀន និងបានធ្វើការឃាត់ខ្លួនបានជនសង្ស័យចំនួន០៣នាក់នោះ រួមមានឈ្មោះៈ
០១. យិន រដ្ឋា ភេទប្រុស អាយុ១៧ ឆ្នាំ មុខរបរមិនពិតប្រាកដ មានទីលំនៅភូមិផ្សារចាស់ សង្កាត់ស្វាយក្រវ៉ាន់ក្រុងច្បារមន ខេត្តកំពង់ស្ពឺ
០២. សយ សីហា ភេទប្រុស១៥ ឆ្នាំ មុខរបរ មិនពិតប្រាកដ មានទីលំនៅភូមិថ្មី សង្កាត់ច្បារមន ក្រុងច្បារមន ខេត្តកំពង់ស្ពឺ
០៣. មុន្នី សុផានុត ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅភូមិ
បូរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ។

លោកឧត្តមសេនីយ៍ត្រី បានបញ្ជាក់អោយដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
០១. ដែកកេះចំនួន០៦ ០២. ទូយោចមនួន០២
០៣. ជញ្ជីងផ្លឹងចំនួន០១
០៤. ក្រដាស់ចំនួន០១ដុំ
០៥. ដាវចំនួន០១ និងថង់ច្រកថ្នាំញៀនចំនួន២៥០ថង់។

បច្ចុប្បន្នជនសង្ស័យត្រូវបានកម្លាំងកងរាជអាវុធហត្ថ បានកសាងសំណុំរឿង ដើម្បីចាត់ការបន្តតាមនីតិវិធី។

(អត្ថបទៈ ម៉ាន់ ដាវីត)