កំពង់ចាម៖ នៅថ្ងៃអង្គារ ទី១១ ខែតុលា ឆ្នាំ២០២២ លោក វរសេនីយ៍ទោ សែម ហាក់ នាយសេនាធិការ តំណាងលោក ឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានដឹកនាំនាយទាហានក្រោមឱវាទ ចូលរួមពិធីបុណ្យសពឪពុកក្មេក របស់លោកស្រីព្រឹន្ទបាលឯក ខេន គឹមហ៊ាន់ បុគ្គលិកមន្ទីរស្រាវជ្រាវព័ត៌មានសន្តិសុខ កងរាជអាវុធហត្ថខេត្តកំពង់ចាម  ដែលបានទទួលមរណភាព នៅថ្ងៃទី០៦ ខែតុលា ឆ្នាំ២០២២ ដោយរោគាពាធ។ ក្នុងឱកាសនោះដែរ លោកនាយសេនាធិការ បាននាំយកថវិកានាយ នាយរងកងរាជអាវុធហត្ថខេត្តកំពង់ចាម សរុបចំនួន ២,៥៣០,០០០រៀល ចូលបុណ្យដល់ក្រុមគ្រួសារសព ស្ថិតនៅភូមិអង្គួញដី ឃុំក្រឡា ស្រុកកំពង់សៀម ខេត្តកំពង់ចាម។