សៀមរាបៈ ដោយមានការយកចិត្តទុកដាក់រឹតបណ្តឹងទៅលើផ្នែកសន្តិសុខ ដើម្បីការពារសុវត្ថិភាព ជូនបងប្អូនប្រជាពលរដ្ឋ និងភ្ញៀវទេសចរណ៍ ជាតិ និងអន្តរជាតិ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការបង្ក្រាប ករណីចែកចាយគ្រឿងញៀនមួយលើក ជាករណីស្តែងនៅវេលាម៉ោង១៥ និង៣០នាទី ថ្ងៃទី០៤ ខែវិច្ឆិកា ឆ្នាំ២០១៦ ស្ថិតនៅចំណុចភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប ។
នេះបើយោងទៅតាមប្រភពពត៌មានពី លោក វរសេនីយ៏ទោ ថា ដាលុច មន្ត្រីកងរាជអាវុធហត្ថខេត្តសៀមរាប បានប្រាប់ភ្នាក់ងារ GRK News ឱ្យដឹងថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថបានធ្វើការឃាត់ខ្លួនបានជនសង្ស័យបានចំនួន០៧នាក់ រួមទាំងវត្ថុតាងមួយចំនួនរួមមានៈ
០១. ថ្នាំញៀនប្រភេទមេតំហ្វេតាមីន(ម៉ាទឹកកក) ចំនួន១៨កញ្ចប់ ដែលមានទម្ងន់ស្មើ ២១.៧២ក្រាម
០២. ទូរស័ព្ទ ចំនួន០៥គ្រឿង និងសម្ភារៈវិចខ្ចប់គ្រឿងញៀនមួយចំនួន។
ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី។
(អត្ថបទ ម៉ាន់ ដាវីត)
